Quercus humilis

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Caixico
Quercus humilis
Clasificación scientifica
Dominio: Eukaryota Reino: Plantae División: Magnoliophyta Clase: Magnoliopsida Orden: Fagales Familia: Fagaceae Chenero: Quercus Especie: Quercus humilis
Nomenclatura binominal
Quercus humilis Mill.

Quercus humilis ye una especie de caixico con caracteristicas intermeyas entre os caixicos marcescents y os caixicos comuns y tien muita facilidat pa hibridar con diferents especies de caixicos. Cheobotanicament ye una especie con submediterrania caracteristica.

Ye un arbol que por un regular tien una altaria de 10–15 m, encara que puede plegar dica os 20 y 25 m y a vegatas no pasa de 5. A corona ye irregular, ubierta y poco tupida, dixa veyer as brancas retuertas y protechitas por una crosta acrebazata y de color pardo-cenisa.

As rametas y as fuellas naixen pubescents. As fuellas son variables en textura, forma, lobulación y grau de pubescencia cuan son desembolicatas de tot. Van dende coriacias a membranacias, y o contorno va dende obovato dica cuasi eliptico, y ye frecuent una asimetría en a base. Bi ha cinco a hueito pars de niervos secundarios y atros tantos lolubos laterals, que pueden no ser igual de largura. O tomento con o que creixen se puet perder cuasi de tot en o faz, pero en o embés se mantién encara prou denso. As fuellas tienen de meya entre 5–12 cm de largura, 3-6 d'amplaria y o peciolo, glabrescent en a matureza va dende 5 a 12 mm.